تحيا مصر
لما الريس زمان قال _ تحيا مصر - قولت دا كلام ودا شعار المرحله زي ما اتعودنا لكن لما لقيت مصر بتسترد مكانتها في وسط المحافل الدولية والراجل ( لا بينف ولا بيهروش ولا بيبوص في الساعه ) ونزلت مصر ولقيت مصر بقى عندها شبكة طرق زي اللي كنا بنشوفها برا ومدن جديدة تحسسك انك في دولة تانيه ولقيت في ارادة سياسية حقيقية للإصلاح حتى لو الثمن هيدفعه كلنا إحنا والريس نفسه اللي مفرقش معاه ان شعبيته هتتاكل وهتقل لأن الناس هتعيش ظروف صعبه وغصب عنها هتبطل ( انتخه وتختخه ) حسيت أن الموضوع مش شعار مرحلة وكلام دي إرادة حقيقية وتوجه واصرار على استرداد كرامة ومكانة وهيبة للدولة اللي كان ( اضمحل وقل كتيير ) بسبب العوزة ومد الأيد والمفاجأة، بقى أن كل المتفائلين كان عمرهم ما يتخيلوا أن أحنا في 90 يوم ناخود اكبر بطولة في القارة واحنا لا نملك نظام أو استاد واحد جاهز أو اتحاد كرة قادر ولا قناة تنقل البث مجانا وكل دا يخلص قبل ميعاده ( وشاء من شاء وأبى من أبى ) بعد كام ساعه الافتتاح في تنظيم وشكل وباسلوب مبهر لا ينقصه الا أن الشعب يكون عنده وعي ويحافظ بس على اللي اتعمل بإرادة سياسية حقيقية قررت وخططت لتسترد مكانتها في القارة والعالم أجمع
ليست هناك تعليقات:
إرسال تعليق